Þar er tangó og fótbolti ástríða margra og landslagið er einfaldlega einstakt. Lærðu að dansa candombe eða murga á fallegum ströndunum. Argentína og Úrúgvæ eru frábærir staðir fyrir spennandi námsdvöl erlendis. Kannaðu nútímalegar og líflegar borgirnar með frábærum söfnum, tónlist og leiklist og heillandi kaffihúsamenningu.

Ungmenni í Argentínu og Úrúgvæ eiga sér fjörlegt félagslíf. Þau hittast heima hjá vinunum og á kaffihúsum í grenndinni, skreppa í bíó eða fara út að dansa. Flestir nemendur eru í einhverju íþróttaliði (fótboltinn er langvinsælastur) eða skreppa í ræktina seinni part dags. Margir eru líka í tungumálanámi hjá tungumálaskóla. Ungmenni fara yfirleitt ferða sinna gangandi eða á hjóli eða nota strætisvagna í stærri borgunum.

 

Fólk og samfélag

Foreldrar og börn tala mikið saman og ræða skoðanir og plön, foreldrar vilja vita hvar börnin þeirra eru yfir daginn og ætlast til að fá nokkuð nákvæma útlistun á því. Fjölskyldustund við kvöldmatarborðið er ein sú mikilvægasta.

Skóli

Flestir skiptinemar fara í opinbera skóla og oft annað hvort á morgnana eða seinnipartinn. Skólaárið hefst í mars og lýkur í desember. Það eru allt að 35 nemar í bekk íklæddir skólabúningum.

A photo posted by Arina (@tripsteps) on

A photo posted by João Antunes (@j_vantunes) on

Tungumál

Í Argentínu og Úrúgvæ er töluð spænska. Grunnkunnátta í spænsku er ekki skilyrði áður en haldið er í skiptnám en hjálpar svo sannarlega til við aðlögun og nám.

Matur

Nautakjöt er afar vinsælt og grunnurinn að flestum réttum, t.d. paradilla, milanesas, chivito og empanadas. Hér er maturinn ekki sterkur eins og víða annars staðar í rómönsku Ameríku. Argentínumenn elska líka að drekka grænt te og rauðvín.

A photo posted by Zuz Ther (@suzanthe) on

Skoða skiptinám í Argentína og Úrúgvæ