Filippseyjar eru þriðja stærsta enskumælandi landið í heimi. Þar sameinast asísk, evrópsk og amerísk áhrif í litríkri sögu.  Margir Filippseyingar halda upp á hátíðir sem kallast barrio fiestas (hverfahátíðir) til að heiðra trúarhátíðir verndardýrlinga.

Unglingar á Filippseyjum sækja dansskóla, stunda íþróttir eins og körfubolta, tennis, badminton, blak og hjólreiðar. Þeir stunda einnig æskulýðsstarf á vegum kirkna og sveitarfélaga. Gert er ráð fyrir því að þú takir þátt í slíku hópastarfi.

 

Fjölskylda og samfélag

Skiptinemar AFS munu líklega búa í smærri borgum eða bæjum landsins. Fjölskyldugildin eru í hávegum höfð og ekki er óalgengt að öll stórfjölskyldan búi undir sama þaki.

coastal clean-up 💪 #ontopofthejeepney #pilipinas

A photo posted by Nadja Grace (@graceosaa) on

lovin' school!📚🇵🇭

A photo posted by @brittanyemmaaa on

Skóli

Skiptinemar AFS eru velflestir í einkaskólum. Skólaárið er frá júní og fram í mars, mánudaga til föstudaga (frá 7 til 5). Algengustu fögin eru enska, stærðfræði, náttúrufræði og tungumál. Nær allt nám fer fram á ensku og nemendur ganga í skólabúningum.

Tungumál

Opinber tungumál Filippseyja eru enska og tagalog. Alls eru töluð yfir 120 tungumál í landinu. Þótt enska sé annað aðaltungumálið í borgum þá er óalgengt að fólk tali ensku í sveitum landsins og utan borga. Grunnir í ensku mun reynast skiptinemum ómetanlegt en boðið er upp á tungumálakennslu á vegum AFS fyrstu vikurnar.

☀️🇵🇭 #elnido #philippines

A photo posted by Nadja Grace (@graceosaa) on

Matur

Filippseyjar eru þekktar fyrir stórkoslega matarmenningu. Þar gætir áhrifa frá öllum heimshornum. Hvert hérað er með sinn stíl í matargerð og heimamenn taka mat og matargerð mjög alvarlega. Hrísgrjón eru mjög algeng í matargerð sem grunnur en annað hráefni er af mjög fjölbreyttum toga. Mikið um fisk, kjöt, baunir og svo auðvitað öll möguleg krydd heimsins.