Lýsing á dvöl
| Lengd dvalar | Byrjun | Lok | Verð | Hámarksaldur við brottför |
|---|---|---|---|---|
| Ársdvöl | Ágúst | Júní | 1.350.000- | 18,6 ára |
| Hálfsársdvöl | Janúar | Júní | 1.110.000- | 18,6 ára |
Bandaríkin er land í Norður-Ameríku og samanstendur það af 50 ríkjum. AFS dvöl í þar í landi er því stórkostlegt ævintýri og geta nemendur átt von á því að búa í fjöllum í Alaska, sveitum Iowa, vötnum Minnesota, á ströndum Los Angeles og öllu þar milli!
AFS í Bandaríkjunum sendir út 1500 nema til 42 landa ár hvert, en tekur á móti yfir 2700 nemum. Ásamt starfsfólki á skrifstofum víðs vegar um landið starfa um 10.000 sjálfboðaliðar hjá samtökunum.
Flogið er á fimm flugvelli, New York, Houston, Chicago, Los Angeles og Seattle. Við komuna til Bandaríkjanna eru nemendur sóttir af starfsfólki og sjálfboðaliðum og þaðan fara þeir til sinna sinna svæða á komunámskeið.
Á meðan á dvölinni stendur verða auk komunámskeiðs, “6 week camp” og lokanámskeið. AFS samanstendur af deildum og sjá sjálfboðaliðar í hverri deild um að skipuleggja félaglíf fyrir AFSara.
Nemendur búa hjá fósturfjölskyldum, fara í bandaríska skóla “high school” og eiga að aðlagast bandarísku samfélagi.
Daglegt líf unglinga í Bandaríkjunum snýst um skóla, fjölskyldu og vini. Margir unglingar taka þátt í félagslífi að skóla loknum, s.s. íþróttum, leiklist, kór, samfélagsvinnu, o.s.frv. Þar sem
Margir rekja upp stór augu þegar þeir panta sér mat á veitingahúsi í Bandaríkjunum, en skammtarnir þar í landi eru stærri en við Evrópubúar eigum að venjast. Heimamenn bregðast við því með því að fá svokallaðan “doggy-bag” og taka afganginn með sér heim!
Vissir þú að….
...Washington DC er höfuðborg Bandaríkjanna
...Þjóðhátíðardagurinn er 4.júlí
...Stærsta fylkið er Alaska
...Minnsta fylkið er Rhode Island
...Hæsti tindur landsins er Mt McKinley, Alaska
...Lægsti dalur landsins er Death Valley, California
ATH að frekari upplýsingar eru að finna í bæklingnum hérna til hliðar
