Aldursmörk:

15 ár 3 mánuðir - 17 ár 9 mánuðir

Half Year Program

Þessar upplýsingar eru birtar með fyrirvara um breytingar

*Þátttökugjöld verða ákveðin í júlí.



Þátttakendur AFS búa á meðan dvöl stendur hjá fósturfjölskyldum og ganga í hverfisskóla. AFS skiptinemar eru ekki gestir inn á heimilum fósturfjölskyldunnar heldur partur af fjölskyldunni. Fjölskyldurnar eru sjálfboðaliðar hjá AFS og fá því ekki greitt fyrir það að hýsa skiptinema. Allar fósturfjölskyldur hjá AFS eru samþykktar af samtökunum áður en þær taka á móti nemum.

GOTT FYRIR AFS SKIPTINEMA AÐ VITA

Flogið er til Rómar og þar taka starfsfólk og sjálfboðaliðar AFS á móti nemum og farið á svæði nálægt Róm þar sem nemar fara á komunámskeið. Þaðan fara þeir svo til fósturfjölskyldnanna sinna.

 

AFS Á ÍTALÍU

 Á meðan á dvölinni stendur verða auk komunámskeiðs, “6 week camp” og lokanámskeið.AFS samanstendur af deildum og sjá sjálfboðaliðar í hverri deild um að skipuleggja félaglíf fyrir AFSara

 

Frá febrúar og fram í apríl ár hvert býður svæðisskrifstofa AFS á hverju svæði á Ítalíu upp á skipti viku þar sem nemar geta valið að heimsækja eitthvað svæði á Ítalíu sem þeim þykir áhugavert og til að kynnast landinu á fleiri stöðum. Hver skrifstofa fyrir sig ber ábyrgð á því að finna fjölskyldu fyrir nemann þessa viku og neminn ber allan kostnað við ferðalagið. Þetta er einungis val, ekki skylda og hægt er að neita nema sem sækjir um þess konar skipti á grundvelli hegðunar, aðlögunar og annarra kringumstæðna sem tengjast veru nemans á Ítalíu.

 

TUNGUMÁLIÐ

Grunnþekking í ítölsku mun hjálpa aðlögunarferli nemans.

AFS á Ítalíu sendir öllum þátttakendum námskeið á netinu sem er skyldunámskeið og nemar sem ætla sér þangað verða að ljúka tilteknum stigum áður en þeir koma til landsins. Að öðrum kosti þurfa þeir að greiða 50 evrur við komuna til landsins og skrá sig á námskeið í ítölsku á þeirra svæði. Námskeiðið er tvisvar til þrisvar í viku og byggist á kunnáttu viðkomandi nema þegar hann kemur á staðinn. Námskeiðið getur verið frá 40 til 60 stundir í allt. Því lýkur í lok desember.



SKÓLINN

Skólaárið á Ítalíu byrjar í september og endar í júní. Tveggja vikna frí er gefið um jólin og vikulangt frí um páskana.



ÍTÖLSK HEIMILI OG SIÐIR

Ítalskar fjölskyldur geta verið jafn fjölbreyttar og við þekkjum hér á Íslandi, fjölskyldueiningin er þó oft í hávegum höfð og getur skipt þjóðina miklu máli. Flestar ítalskar fjölskyldur eru kaþólskar en ekki allir fara í kirkju reglulega. Reykingar eru ennþá viðhafðar inn á sumum heimilum á Ítalíu.



MATARMENNING

Ítalir eru miklir matmenn og eigum við mat eins og pasta og pizzu þeim að þakka! Ítalir borða þrisvar sinnum á dag og er hádegismaturinn stærsta máltíð dagsins.

HAGNÝT ATRIÐI SEM BER AÐ HAFA Í HUGA ÞEGAR SÓTT ER UM

Matarræði

Erfitt er að finna fjölskyldur fyrir nema sem kjósa aðeins grænmetisfæði. Sé neminn hins vegar sveigjanlegur  þ.e. borðar hvítt kjöt og fisk þá aukast líkurnar á því að finna honum fjölskyldu.



Heilsa

Nemar þurfa að vera í almennt góðu ásigkomulagi heilsufarslega. Nemar sem hafa átt við einhver geðræn vandamál að stríða þurfa að hafa klárað lyfjameðferð að minnsta kosti ári fyrir brottför. Helstu sprautur sem nemar þurfa að hafa fengið eru: Barnaveiki, stífkrampa, lömunarveiki og lyfrarbólgu B.