Skiptinemar á Íslandi ágúst 2025 -

Kæru AFSarar

Við erum byrjuð að leita að fjölskyldum til að opna heimili sín fyrir flottum hópi nema sem mun koma til Íslands í ágúst 2025.

Við erum byrjuð að fá umsóknir frá samstarfslöndunum okkar víðs vegar um heiminn og munum við byrja að birta upplýsingar um nemana sem hafa sótt um í apríl 2025.

Ef þið viljið fá frekari upplýsingar um hvað það er að vera AFS fjölskylda, þá ekki hika við að senda póst á [email protected] eða á [email protected]

AFS fjölskyldan sér skiptinemanum sínum fyrir fæði og húsnæði, en annan kostnað greiðir nemandinn sjálfur, svo sem útgjöld vegna tómstunda og annan vasapening.

AFS sér um að skrá skiptinemann í skólann, greiðir skólagjöld og námsbækur og aðstoðar við aðlögun, t.d. með námskeiðum.

AFS fjölskyldur gera starf AFS mögulegt

Á hverju ári taka 10.000 AFS fjölskyldur, í 54 löndum þar sem AFS starfar, á móti skiptinemum. AFS hefur áratuga reynslu af nemendaskiptum þar sem samtökin hafa starfað í rúmlega 60 ár í fjölmörgum löndum í heiminum og fleiri þúsund skiptinemar og fjölskyldur hafa tekið þátt í starfsemi AFS. Fjölmargar íslenskar fjölskyldur hafa þegar opnað heimili sitt og mæla eindregið með þeirri reynslu og hvetja fólk sem hefur áhuga á að kynnarst borgurum heimsins að bjóða skiptinema inn í líf sitt.

Allt sem þið þurfið er hjartarými, löngun til að læra eitthvað nýtt og sveigjanleika.

Þeir sem hafa áhuga á nánari upplýsingum geta haft samband við skrifstofu AFS á Íslandi í síma: 552-5450 eða á [email protected]

Clarisse

Clarisse er 16 ára stelpa frá Frakklandi. Hún er yngst systkina af fjórum. Clarisse er glaðleg og umhyggjusöm gagnvart öllu í kringum hana. Hún stundar klifur, finnst gaman að kynnast fólki og er dugleg að hitta vini sína. Clarisse hefur talað um það lengi að fara í skiptinám og hvöttu foreldrar hennar hana til að sækja um. Hún ætlar að dvelja í 3. mánuði

Emma

Emma er 17 ára frá Ítalíu. Hún býr með foreldrum sínum. Þau eru dugleg að ferðast og þá sérstaklega til Ungverjalands þar sem móðurfólkið hennar býr. Hennar aðaláhugamál eru hestar og fer hún á hestbak einu sinni í viku. Emma er áhugasöm um tungumál og hlakkar til að bæta við sig íslenskunni. Hún er opin og er tilbúin að takast á við að kynnast nýrri menningu og eignast íslenska fjölskyldu og vini.

Emma ætlar að dvelja í 10 mánuði.

Anna

Anna er 16 ára stelpa frá Þýskalandi. Hún býr hjá pabba sínum en er líka hjá mömmu sinni sem býr rétt hjá. Hún er metnaðargjörn í skólanum og finnst bæði gaman að læra og hitta vini sína. Í frítímanum sínum þá æfir hún fótbolta, klifur og hlaup, einnig aðstoðar hún við þjálfun yngri hóp stúlkna í félaginu. Anna fékk snemma áhuga á Íslandi, hún gerði verkefni um landið og eftir það ákvað hún að þangað ætlaði hún að fara. Anna lýsir sér sem mikilli félagsveru og ef hún fær hugmyndir, þá framkvæmir hún þær.

Anna er grænmetisæta, með ofnæmi fyrir köttum og ætlar að dvelja í 10 mánuði.

Sindri Julian

Sindri Julian er 16 ára strákur frá Sviss sem dreymir um verða skiptinemi á Íslandi. Hann er forvitinn, metnaðarfullur og opinn fyrir nýjum upplifunum. Hann elskar útivist og íþróttir eins og fjallahjólreiðar, sund og göngur, og sér fyrir sér að njóta íslenskrar náttúru og menningar í botn.

Hann er sjálfstæður, vinnusamur og skipulagður nemandi sem leggur sig fram í öllu sem hann gerir. Hann hefur mikinn áhuga á að læra íslensku og nota hana í daglegu lífi. Hann er einnig góður félagi, tillitssamur og tilbúinn að aðlagast nýrri fjölskyldu og umhverfi.

Sindri hefur sterkan áhuga á að tengjast íslenskri menningu og samfélagi, kynnast nýju fólki og skapa ógleymanlegar minningar með fósturfjölskyldu sinni. Sindri Julian ætlar að dvelja á Íslandi í 10. mánuði.

Sakura

Sakura er 15 stelpa frá Japan. Hún er félagslynd, skemmtileg og áhugasöm um að upplifa íslenska menningu. Hún elskar íþróttir, sérstaklega körfubolta og nýtur þess að vinna í teymi. Hún á tvo yngri bræður og er vön að taka þátt í heimilisverkum. Sakura vill læra meira um erlendar menningu og valdi Ísland vegna fallegrar náttúru, velferðarkerfisins og einstaka loftslagsins. Hún hlakkar til að kynnast nýrri fjölskyldu og taka þátt í daglegu lífi ykkar. Sakura ætlar að dvelja í 10 mánuði.

Amiel

Amiel er 15 ára strákur frá Belgíu sem býr með foreldrum sínum og tveimur yngri systrum. Fjölskyldan hans hefur mikinn áhuga á tónlist. Amiel spilar bæði á klassískan gítar og rafmagnsgítar. Hann er einnig í hljómsveit með vinum sínum. Amiel finnst gaman að lesa, spila borðspil, byggja LEGO og læra ný tungumál. Amiel stefnir á að verða sálfræðingur. Skólinn hans hefur unnið eftir einstaklingsmiðuðu skólastarfi og hlakkar honum til að kynnast íslenska skólakerfinu. Amiel er spenntur fyrir að læra nýtt tungumál og kynnast Íslandi. Amiel ætlar að dvelja í 3 mánuði.

Vera

Vera er 16 ára gömul stelpa frá Spáni. Hún býr með foreldrum sínum og yngri systur.

Uppáhaldsfögin hennar í skólanum eru myndlist og saga. Hún á auðvelt með að eignast vini og á hún vini frá hinum ýmsu heimshornum. Áhuginn hennar vaknaði á Íslandi þegar hún var 12 ára en þá kom hún til Íslands Hún var ákveðin í að koma aftur og núna er það að rætast. Veru hlakkar til að upplifa Ísland og fá að taka þátt í daglegu lífi með fjölskyldunni sem mun opna heimili sitt fyrir henni. Vera ætlar að dvelja í 3 mánuði.

Rohan

Rohan er 18 ára gamall strákur frá Belgíu. Hann býr með mömmu sinni og yngri bróður.

Hann á góða en fáa vini sem styðja hvern annan. Rohan er mikið fyrir tölvuleiki, horfa á bíómyndir en hefur sérstakan áhuga á sögu. Honum finnst gaman að grúska og læra um fyrri siðmenningu og aðra atburði sem hafa haft áhrif á heimssöguna. Með dvöl sinni á Íslandi þá ætlar Rohan að prófa nýja hluti, kynnast fólki og öðlast meiri þekkingu á annarri menningu.

Rohan ætlar að dvelja í 3 mánuði.

Zuzana

Zuzana er 16 ára stelpa frá Tékklandi. Hún býr með foreldrum sínum og yngri bróður. Áhugamálin hennar eru mikið tengt handavinnu og teikna en hún er líka dugleg að stunda íþróttir, m.a. skíði og tennis. Zuzana hlakkar til að kynnast nýju fólki og fá tækifæri til að ögra sjálfri sér með því að læra nýtt tungumál og menningu. Zuzana ætlar að dvelja í 5 mánuði.

Samuel

Samuel er 17 ára strákur frá Kólombíu. Hann býr með foreldrunum sínum og eldri bróður. Samuel hefur áhuga á tölvuleikjum, spila fótbolta, horfa á bíómyndir og eyðir miklum tíma með bæði fjölskyldu og vinum. Þau lýsa honum sem rólegum strák sem gaman er að vera með. Samuel finnst ótrúlegt að hann sé að koma til Íslands, þar sem menning og tungumál er svo ólíkt hans heimalandi. Samuel ætlar að dvelja í 10 mánuði.

Naoni

Naona er 16 ára stelpa frá Japan. Hún býr með mömmu sinni og eldri systur. Naona hefur mikin áhuga á skrautskrift sem hún hefur stundað síðan í fyrsta bekk og hefur hún tekið þátt í keppnum tengt því. Vinir og fjölskylda lýsa henni sem glaðlegri og jákvæðari manneskju sem finnst gaman að kynnast nýju fólki. Naoni hlakkar til að kynnast íslenskum jólum og þeim siðum í kringum það. Naoni valdi Ísland þar sem hún hefur áhuga á að læra meira um kynjajafnrétti þar sem Ísland er framarlega í jafnréttismálum. Naoni ætlar að dvelja í 10 mánuði.

Lyla

Lyla er 16 gömul stelpa frá Kanada. Hún býr með foreldrum sínum, yngri bróður og systur sinni. Lyla er duglegur og áhugasamur nemandi sem reynir sitt besta til að fá þær bestu útkomur úr náminu. Lyla hefur gaman af því að dansa, syngja, lesa, fara í sund og að vera úti í náttúrunni t.d. að fara í fjallgöngu og í útilegu. Hún hefur einnig áhuga á orustuþotum og á fullt af módelum og bókum um þær. Lyla langar að upplifa aðra menningu og allt sem kemur með henni, Lylu langar líka að deila hennar eigin menningu með AFS fjölskyldunni hennar þar sem hún hefur mikinn áhuga á að elda og vil endilega deila hennar menningu á þann hátt. Lyla er grænmetisæta og ætlar að dvelja í 10 mánuði.

Max

Max frá Bandaríkjunum verður 18 ára í ágúst. Hann býr með mömmu sinni, stjúpföður og (stjúp)bróður. Fjölskyldan er náin, gerir margt saman og borða t.d. alltaf kvöldmat saman. Stundum eldar mamma og stundum Max. Max er hress, opinn, hefur metnað og smá keppnisskap. Hann hefur gaman af að læra um alls konar hluti. Uppáhalds fögin hans í skóla eru heimilisfræði – eða eldamennska, stærðfræði og réttarmeinafræði. Áhugamálin hans eru að fara í ræktina, veiða, elda mat og horfa á fræðsluþætti á netinu. Hann hittir vini sína bæði í ræktinni eða heima og líka í tölvunni þegar þeir spila tölvuleiki saman. Honum finnst gaman að læra um persónulega heilsu og vill lifa heilbrigðu líferni, lesa bækur um heimspeki og hefur mjög gaman af vinnunni sinni á elliheimili. Hann er spenntur að læra íslensku og hefur jafnvel áhuga á að búa á Íslandi í framtíðinni. Hann langar líka að víkka út þekkingu sína á eldamennsku og hefur gaman af að elda fyrir fólk. Hann hlakkar til að kynnast ólíkri menningu en þeirri bandarísku og taka þátt í lífi fósturfjölskyldunnar og eignast vini í skólanum á Íslandi. Max ætlar að dvelja í 10 mánuði.

Itsuki

Itsuki er 18 ára strákur frá Japan sem býr með foreldrum sínum og yngri bróður. Fjölskyldan en náin og gera margt saman, þeim finnst sérstaklega gaman að fara í ferðalög og útilegur saman. Itsuki er forvitinn og opinn um nýja hluti. Hann hefur góða aðlögunarhæfni og er mjög duglegur að vinna með öðrum um leið og hann tekur ábyrgð, t.d. í skólanum þar sem hann er bekkjarfulltrúi í umsóknarbekknum sínum og bekkjarfélagar hans treysta honum mjög vel. Hann hefur langað til að fara í skiptinám síðan hann var lítill og hefur mikinn áhuga á öðrum löndum. Honum finnst spennandi að fá að kynnast menningu ólíkri sinni eigin. Ísland er ekki þekkt land í Japan en það gerði það að koma til Íslands ennþá meira spennandi fyrir honum. Hann hefur æft fótbolta en skipti yfir í dans í fyrra og er að æfa breakdans núna. Hann hefur líka æft rúgbí, hafnarbolta og blak. Hann hefur gaman af alls konar íþróttum, bæði að spila þær og horfa á þær. Hann hefur gaman af útiveru en líka að lesa bækur og horfa á sjónvarp, sérstaklega kvikmyndir og anime sem eru japanskar teiknimyndir. Hann hangir með vinum sínum um helgar og gjarnan í dansklúbbnum. Þau fara oft í karaoke eða keilu. Hann hlakkar til að eignast vini á Íslandi. Itsuki ætlar að dvelja í 10 mánuði.

Rhona

Rhona (Ash) er 16 ára stelpa frá Þýskalandi, hún býr með mömmu sinni og eldri bróður. Hún er mjög listræn og er að skrifa bók í frítíma sínum og nýtur þess einnig að lesa, hlusta á tónlist og teikna, henni finnst einnig gaman að búa til handgerðar gjafir. Rhona er búin að æfa ballett síðan hún var 3 ára og verið í hestamennsku öðru hvoru í 7 ár. Hún elskar að læra nýja hluti og finnst gaman að rökræða um ýmsa hluti. Rhona er mikil félagsvera og fær innblástur frá fólkinu í kringum hana. Hún er spennt að eignast nýja vini og læra um Ísland. Rhona ætlar að dvelja í 10 mánuði.

David

David er 16 ára gamall strákur frá Belgíu. Hann býr með mömmu sinni. Hann lýsir sér sem hlédrægum en er duglegur að láta það ekki stoppa sig. Hann hefur mikinn áhuga á tölvum og langar að læra meira um hvernig á að byggja vélmenni. David finnst gaman að elda og hlakkar til að kynna sína menningu í gegnum matargerðina. Oft eftir skólann fer hann í klúbbinn til að hitta vini sína þar sem þeir sinna sínum áhugamálum, spila tölvuleiki og fara í hlutverkaleikinn Dungeons og Dragons. David hlakkar til að koma til Íslands og hann ætlar að dvelja í 3 mánuði.