Skiptinemar á Íslandi ágúst 2026

AFS fjölskyldur gera starf AFS mögulegt

Á hverju ári taka 10.000 AFS fjölskyldur, í 54 löndum þar sem AFS starfar, á móti skiptinemum. AFS hefur áratuga reynslu af nemendaskiptum þar sem samtökin hafa starfað í rúmlega 60 ár í fjölmörgum löndum í heiminum og fleiri þúsund skiptinemar og fjölskyldur hafa tekið þátt í starfsemi AFS. Fjölmargar íslenskar fjölskyldur hafa þegar opnað heimili sitt og mæla eindregið með þeirri reynslu og hvetja fólk sem hefur áhuga á að kynnarst borgurum heimsins að bjóða skiptinema inn í líf sitt.

Allt sem þið þurfið er hjartarými, löngun til að læra eitthvað nýtt og sveigjanleika. 

Þeir sem hafa áhuga á nánari upplýsingum geta haft samband við skrifstofu AFS á Íslandi í síma: 552-5450 eða á [email protected]

Samuel frá Slóvakiu

Samuel er 17 ára strákur frá Slóvakíu. Hann býr með foreldrum sínum og eldri tvíburasystrum. Hann hefur mikinn áhuga á fótbolta og er duglegur að fara á tónleika eða aðra viðburði með vinum sínum eða fjölskyldu. Hann er í alþjóðlegum menntaskóla og nýtir sér félagslífið þar eftir skóla, t.d. spila borðspil eða taka þátt í hinum ýmsum klúbbum. Með því að koma til Íslands þá ætlar hann að nýta sér það tækifæri til að læra margt nýtt sem mun gefa honum styrkleika í að fara í framhaldsnám erlendis eftir að hann klárar skólann.

Samuel ætlar að dvelja í 3 mánuði.

Mio frá Japan

Mio er 17. ára stelpa frá Japan. Hún býr með foreldrum sínum og eldri systur. Hún á stóran vinahóp sem eru dugleg að hittast. Ástæðan fyrir því að koma til Íslands er sú að henni langar til að kynnast landi og fólki sem hefði allt aðra menningu og lífssýn en hennar þjóð.

Mio er komin með fjölskyldu.

Elia frá Ítalíu

Elia er 17 ára strákur frá Ítalíu. Hann býr með foreldrum sínum og á einn eldri bróðir. Hann lýsir sér sem þrjóskum en er opinn og fljótur að kynnast fólki. Áhugamálin hans eru tengd tölvuleikjum og körfubolta. Hann æfði körfubolta en spila núna sér til skemmtunar. Elia er spenntur fyrir að koma til Íslands, bæði til að læra tungumálið, kynnast menningu og siðum sem eru örugglega öðruvísi en hann hefur alist upp við, eins og hann segir í umsókninni. Elia er ekki hrifinn af hundum

Elia ætlar að dvelja í 10 mánuði.

Nathanael frá Frakklandi

Nathanael er 18 ára strákur frá Frakklandi. Hann er næst yngstur af fjórum systkinum. Foreldrar hans lýsa honum sem uppátækjasömum og finnst gaman að stríða systkinum sínum. Áhugamálin hans Nathanaels eru tengd bæði íþróttum og félagslífi. Hann æfir körfubolta og blak en finnst líka gott að setjast niður til að lesa eða horfa á mynd. Einnig hefur hann gaman af því að spila borðspil í góðra vina hópi. Honum hlakkar til að koma til Íslands til að kynnast fólkinu sem býr hér og læra um menningu sem er ólík hans eigin.

Nathanael ætlar að dvelja í 10 mánuði.

Rumoi frá Japan

Rumoi er 16 ára stelpa frá Japan. Hún býr með foreldrum sínum og er yngst af þremur systrum. Hún lýsir sér sem opinni og jákvæðri, er tilbúin að tileinka sér nýtt tungumál og menningu. Rumoi hefur mikin áhuga á íþróttum, hún æfir blak og judo en langar að kynnast handbolta sem hún veit að er mjög vinsæl íþrótt hér á Íslandi. Hún er með kattarofnæmi.

Rumoi er komin með fjölskyldu.

Helena frá Belgíu

Helena er 17 ára stelpa frá Belgíu. Hún er yngst af þremur systkinum. Hún æfir fimleika og hefur aðstoðað við þjálfun yngri nemenda. Einnig tekur hún virkan þátt í skátastarfi í sínum heimabæ. Foreldrarnir hennar lýsa henni sem sjálfstæðri og dugleg að bjarga sér. Helenu hlakkar til að kynnast íslenskri menningu, upplifa sögusvið bókanna sem hún hefur lesið og upplifa hið daglega líf á Íslandi.

Helena ætlar að dvelja í 3 mánuði.

Yoemi frá Sviss

Yoemi er 16 ára stelpa frá Sviss. Hún býr með foreldrum sínum en á eldri hálfbróðir sem býr ekki hjá þeim. Foreldranir hennar segja að hún sé feimin til að byrja með en verður svo ákveðin og opin þegar hún fer að kynnast fólkinu í kringum hana. Yoemi hefur bæði æft ballett og lært á píanó síðustu 10 ár, henni þætti mjög gaman að geta haldið því áfram hér til að kynnast því hér. Hún hefur líka gaman að því að elda og baka. Yoemi hefur komið til Íslands í frí og heillaðist hún af landinu og fannst mikil upplifun á fara á hestbak. Hún er mikill dýravinur og á tvær kisur sem hún ætti eftir að sakna.

Yoemi er flexiterian og ætlar að dvelja í 10 mánuði.

Sophie frá Ítalíu

Sophie er 17 ára stelpa frá Ítalíu. Hún býr með foreldrum sínum og bróður. Hún er mjög listræn, teiknar mikið og finnst gaman að sauma, elda og baka. Núna stundar hún nám í menntaskóla sem sérhæfir sig í listtengdum fögum. Sophie getur gleymt sér við lestur góðrar bókar eða við að hlusta á tónlist. Henni hlakkar til að koma til Íslands, kynnast fólkinu og læra íslensku.

Sophie ætlar að dvelja í 10 mánuði

Kea frá Þýskalandi

Kea er 16 ára stelpa frá Þýskalandi. Hún býr með foreldrum sínum og tveimur yngri bræðrum. Kea nýtir mest af frítímanum sínum við að aðstoða í hesthúsi nálægt heimili hennar og fara á hestbak. Einn af hestunum sem hún sér um er íslenskur. Einnig finnst henni gott að setjast niður og lesa, hlusta á tónlist eða hljóðbók. Kea er spennt fyrir að kynnast og lesa meira um sögu Íslands og ekki síst að læra íslensku. Hún er nú þegar farin að læra einfaldar setningar sem hún veit að muni koma að góðum notum þegar hún hittir AFS fjölskylduna sína.

Kea er grænmetisæta og ætlar að dvelja í 10 mánuði.

Michal frá Slóvakiu

Michal er 17 ára strákur frá Slóvakíu. Hann býr með foreldrum sínum og eldri bróður. Foreldrarnir hans lýsa honum sem jákvæðum strák sem á auðvelt við að kynnast öðrum. Michal finnst best að hafa nóg að gera, ef hann er ekki að setja saman rafeindaíhluti, þá æfir hann Thai box, hlustar á tónlist og spilar tölvuleiki við vini sína. Hann valdi að koma til Íslands til að fá innsýn inn í tungumálið og upplifa hversdagsleikann með AFS fjölskyldunni sinni sem honum hlakkar til að hitta.

Michal er með kattarofnæmi og ætlar að dvelja í 3. mánuði.

Dilay frá Tyrklandi

Dilay er 16. ára stelpa frá Tyrklandi. Hún býr með mömmu sinni og eldri systur. Dilay spilar allavega á þrjú hljóðfæri, fiðlu, Kalimba og harmonikku. Hún er listræn, er dugleg að teikna og hefur gaman að fara í leikhús, einnig er hún dugleg að taka þátt í leiklist í skólanum. Dilay les mikið og hefur mikin áhuga á tyrkneskri sögu og þess vegna langar henni að kynnast nýrri menningu með því að fara í skiptinám til Íslands. Dilay hlakkar til að deila sinni sögu með íslensku fjölskyldunni ásamt því að leyfa þeim að kynnast hennar í gegnum bæði tónlist og mat.

Dilay ætlar að dvelja í 10 mánuði.

Léna frá Ungverjalandi

Léna er 15 ára stelpa frá Ungverjalandi. Hún býr með foreldrum sínum og tveimur systrum. Henni finnst gott að setjast niður og lesa, einnig er hún mikið fyrir að föndra, bæði að mála og móta í leir. Léna er mikið fyrir útiveru, sund og klifur. Henni hlakkar til að sjá hvað Ísland hefur að geyma, bæði náttúruna og menninguna. Léna er samviskusöm og góður námsmaður.

Léna mun fara í grunnskóla og ætlar að dvelja í 10 mánuði.

Antonio frá Spáni

Antonio José er 17. ára strákur frá Spáni. Hann býr með foreldrum sínum og tvíburabróður. Foreldrar hans lýsa honum sem sjálfstæðum og félagslyndum. Antonio hefur gaman að horfa á bíómyndir og hlusta á tónlist. Hann stundar mikið útivist, fer mikið út að hjóla og í göngu. Einnig er hann duglegur að fara í ræktina með vinum sínum og hittast þeir líka oft eftir skóla. Antonio hlakkar til að kynnast landi og þjóð, kynnast matnum sem skiptir miklu máli í hans menningu og kynna fyrir AFS fjölskyldunni hans menningu.

Antonio er með ofnæmi fyrir köttum og ætlar að dvelja í 3 mánuði.

Miranda frá Bandaríkjunum

Miranda er 17 ára stelpa frá Bandaríkjunum. Hún býr með foreldrum sínum og bróður. Hennar aðal áhugamál eru siglingar og lestur, hún les mikið og hlakkar til að geta lesið Íslendingasögurnar á Íslensku. Miranda hefur mikin áhuga á sögu og kynnir sér efnið í þaula þegar koma upp spurningar. Hún er með mikin áhuga á Íslandi og kom hingað árið 2025 og fór á námskeið í íslensku og hefur haldið þeirri kunnáttu við. Miranda segir að hún hafi góða aðlögunarhæfni og segir að besta leiðin til að kynnast landinu sé að kynnast fólkinu í kringum hana.

Miranda ætlar að dvelja í 10 mánuði.

Finja frá Þýskalandi

Finja er 16 ára stúlka frá Þýskalandi. Hún býr hjá foreldrum sínum og á tvö eldri systkini. Hún lýsir sér sem forvitinni og áhugasamri um marga hluti. Finju finnst gaman að spila á píanó og mikinn áhuga á klifri, einnig les hún mikið og teiknar. Henni finnst gott að synda og er dugleg að hitta vini sína til að spila borðspil. Finju hlakkar til að kynnast fjölskyldunni sem mun taka á móti henni og fá aðrar áskoranir en hún er vön.

Finja er komin með fjölskyldu.