Mikilfenglegt landslagið skartar snævi þöktum Alpatindum og grösugum fjallshlíðum þar sem kýr eru hvarvetna á beit og um það bil 1500 kristaltær stöðuvötn prýða landið.

Á virkum dögum eru menntaskólanemar yfirleitt með hugann við námið, en margir sækja líka íþróttaæfingar og tónlistartíma eftir skóla eða annað félagsstarf. Um helgar stunda ungmenni margs konar klúbbastarf eða taka þátt í samfélagsverkefnum, svo sem þorpshátíðum, fimleikamótum eða hátíðahöldum á sögulegum merkisdögum. Þú skalt því gera ráð fyrir að fá næg tækifæri til að skreppa á skíði, fara í fjallgöngur og kíkja á kaffihús.

 

Fólk og samfélag

Þú munt að öllum líkindum búa á þýskumælandi svæði í millistórum bæ, en einhverjir nemar fá einnig fjölskyldur í dreifbýli og í stærri borgum og er því mikilvægt að vera opinn fyrir öllu. Svissneskar fjölskyldur geta verið mjög fjölbreyttar en flestar eiga þær það sameiginlegt að vera vinnusamar og duglegar að spara. Flestar fjölskyldur eiga aðeins eitt til tvö börn og svo gæludær, oftast hund eða kött. Flestum svissneskum fjölskyldum finnst mikilvægt að eyða tíma með sínum nánustu og gera eitthvað skemmtilegt saman. Um helgar ferðast fjölskyldur oft að heimsækja fjölskyldu og vini.

A photo posted by Lucia Bonazzi (@lucia_bonazzi) on

Skóli

Svissneskir nemendur eru mjög metnaðarsamir og sýna mikinn aga þegar kemur að námi, en skólakerfið byggir á mikilli samkeppni. Þú munt líklega ganga í menntaskóla, baccalaureat, sem undirbýr nemendur fyrir háskólanám. Dæmigerður dag hefst klukkan 8 og lýkur um 18, miðvikudagar eru undantekningin og endar skóladagurinn um hádegi. Það eru sjö grunnfög sem allir þurfa að læra, innlend og erlend tungumál, stærðfræði, náttúrufræði, hug- og félagsvísindi, myndlist og/eða tónlist.

Tungumál

Með sín fjögur opinberu tungumál (þýska, franska, ítalska og retó-rómanska) er Sviss fullkominn staður fyrir alþjóðlega menntun.

Sviss-þýska er sú mállýska sem töluð er á þýskumælandi svæðum Sviss. Í vesturhluta landsins er töluð franska og ítalska í suðri. Retó-rómanska er tungumál sem á sér rætur í forn-latínu og hefur lifað af og þróast í einangruðum dölum Alpanna. En sama hvar þú munt búa er fyrri þekking á svissnesku tungumáli mjög gagnleg og Sama hvar þú verður að vera, fyrri þekkingu á tungumáli er mjög gagnlegt og mjög vel metin, því er sniðugt að byrja að æfa sig sem fyrst. Þér mun einnig bjóðast tækifæri til að taka þátt í tungumálakennslu á fyrstu vikum skiptinámsins, sem og AFS í Sviss býður upp á netlæga tungumálakennslu í gegnum Rosetta Stone fyrir brottför.

A photo posted by Mika (@meecarlao) on

A photo posted by Irene Grossetto (@gin90611) on

Matur

Heilsusamlegt mataræði er mikilvægt fyrir svissneskar fjölskyldur, en svissnesk matargerð samanstendur aðallega af blöndu franskrar og þýskrar matargerðar. Einn frægasti diskur Svisslendinga er fondú, þar sem, Emmenthaler og Gruyère ostur er bræddur með dassi af hvítvíni og svo notið með góðu brauði. Rosti (stökkar og steiktar rifnar kartöflur) er þjóðarréttur þýskumælandi Svisslendinga. Svo má að sjálfsögðu ekki gleyma svissneska súkkulaðinu sem er heimsfrægt og elskað af öllum.

Skoða skiptinám í Sviss