Kæru AFSarar
Við eigum von á 25 nemum til skóladavalar frá 15 löndum núna í ágúst. Við erum að leita að fjölskyldum til að opna heimili sín fyrir þessum flotta hópi nema.
Ef þið viljið fá frekari upplýsingar um þessa skiptinema, ekki hika við að senda póst á [email protected] eða á [email protected]
AFS fjölskyldan sér skiptinemanum sínum fyrir fæði og húsnæði, en annan kostnað greiðir nemandinn sjálfur, svo sem útgjöld vegna tómstunda og annan vasapening.
AFS sér um að skrá skiptinemann í skólann, greiðir skólagjöld og námsbækur og aðstoðar við aðlögun, t.d. með námskeiðum.

AFS fjölskyldur gera starf AFS mögulegt

Á hverju ári taka 10.000 AFS fjölskyldur, í 54 löndum þar sem AFS starfar, á móti skiptinemum. AFS hefur áratuga reynslu af nemendaskiptum þar sem samtökin hafa starfað í rúmlega 60 ár í fjölmörgum löndum í heiminum og fleiri þúsund skiptinemar og fjölskyldur hafa tekið þátt í starfsemi AFS. Fjölmargar íslenskar fjölskyldur hafa þegar opnað heimili sitt og mæla eindregið með þeirri reynslu og hvetja fólk sem hefur áhuga á að kynnarst borgurum heimsins að bjóða skiptinema inn í líf sitt.

Allt sem þið þurfið er hjartarými, löngun til að læra eitthvað nýtt og sveigjanleika. 

Þeir sem hafa áhuga á nánari upplýsingum geta haft samband við skrifstofu AFS á Íslandi í síma: 552-5450 eða á [email protected]

profilo juliano

Juliano

Juliano er 16 ára strákur frá Brasilíu þar sem hann býr með foreldrum sínum og eldri bróður Hann fæddist í Mexíkó, bjó fimm ár í Panama og hefur hann því upplifað að þurfa að aðlaga sig að nýjum aðstæðum. Hann lýsir sér sem skapgóðum, brosmildum og jákvæðum strák sem leggur áherslu á að lifa reglubundnu og heilsusamlegu lífi. Frá unga aldri hefur hann stundað margvíslegar íþróttir m.a. siglingar og æfir nú jiu-jitsu.

Sosaku Sato profilo

Sosaku

Sosaku er 15 ára og kemur frá Japan. Hann lýsir sér sem orkumiklum, brosmildum strák sem á gott með að tengjast öðru fólki. Ástæða þess að hann ákvað að fara sem skiptinemi með AFS er að hann hefur mikinn áhuga á stjórnmálum og þá sér í lagi lýðræðislegumi kosningum, honum langar að kynnast og upplifa lýðræðið á Íslandi sem hann segir að sé fyrsta landið í heimi sem bauð upp á lýðræðislegar umræður. Hann vill upplifa það og íslenska menningu til þess að vaxa og þroskast sem manneskja. Hann býr ásamt foreldrum sínum og eldri bróður. Bróður hans var skiptinemi í Finnlandi í fyrra. Fjölskyldan er náin og hefur gaman að því að grínast og horfa saman á kvikmyndir. Segja má að mottó Sosaku sé ef þú brosir framan í heiminn þá brosir hann framan í þig.

Kano Saito profilo

Kano

Kano Saito er 16 ára frá Japan. Hún býr með foreldrum sínum ásamt 2 systrum og 2 bræðum. Þegar hún er í skólanum býr hún á heimavist. Hún hefur mikinn áhuga á erlendri menningu og í framtíðinni langar hana að smíða brýr og hún hefur það sem markmið að mynda allar brýr sem kunna að verða á vegi hennar. Hún getur ekki beðið eftir að sjá norðurljósin, jökla og íslenska náttúru. Vinir hennar lýsa henni sem skemmtilegum orkubolta og fjölskyldan segir að góðmennska sé hennar einkenni. Sjálf lýsir hún sér sem forvitinni, snöggri að taka ákvarðanir og á auðvelt með að horfa á hlutina hlutlægt og rökrétt. Hún stundar námið vel og er virk í félagsstarfi innan skólans m.a. í hönnunarklúbbi. Hún hlakkar til að koma til Íslands og kynnast nýju fólki og menningu. 

profilo helena_

Helena

Helena er 16 stúlka frá Póllandi. Helena er kaþólsk og vill hafa aðgengi að trúarlegum athöfnum. Helena er hjálpsöm, vinnusöm og metnaðarfull en einnig fyndin stúlka. Hún hefur ástríðu fyrir íþróttum sem hún hefur stundað frá ungum aldri, og hefur einkum gaman af því að skíða, hjóla og fara á hestbak.  Fjölskylda hennar býr í fjöllunum svo þau ferðast mikið og Helena elskar að ferðast og eyða tíma með fjölskyldu sinni, að kanna nýja staði og læra sögu þeirra. Bræður hennar kynntu henni fyrir Formula 1 og hún elskar að horfa á keppnir og skoða bíla. Hún elskar dýr og er að stefna á að fara í nám til dýralæknis. Helena elskar að læra og setur mikin metnað í nám sitt, og er þar með mjög forvitin hvernig skólakerfið og námið er í erlendu landi, þó er aðal markmið hennar að kynnast fólkinu og menningunni í landinu, og læra nýtt tungumál. Helena telur að þessi upplifun myndi bæta þekkingu hennar og reynslu. Helena er tilbúin í nýjar, skemmtilegar og einnig erfiðar upplifanir erlendis. 

Matteo Matzeu profilo

Matteo

Matteo er 16 ára ítalskur strákur. Hann lýsir sér sem hjálpsömum, feimnum og forvitnum strák. Hans aðaláhugamál er tónlist, hann er búin að læra á píanó síðan hann var 7 ára og síðastliðin 3 ár hefur hann verið að læra á pípuorgel. Hann segir ef að hann hefði nægan tíma myndi hann vilja eyða heilu dögunum í að læra ný tónverk eins og hann segir sjálfur stingur sér á bólakaf fái hann áhuga á einhverju. Hann segir að stundum eigi hann erfitt með að vakna á morgnanna: Hann hlakkar til að gerast skiptinemi til auka víðsýni, sjálfstæði og þolinmæði.

Erica Regain profilo

Erica

Erica er 17 ára stelpa frá Ítalíu. Hún lýsir sér sem líflegri, forvitinni, áhugasamri stelpu sem er jafnframt viðkvæmni, samúðarfullri og sem finnst gott að sofa út. Hún á það til vera kvíðin sérstaklega fyrir próf og að of hugsa hlutina. Uppáhalds námsgreinarnar hennar eru ítalska, saga og efnafræði. Hún elskar tónlist hefur spilað á píanó frá sex ára aldri, lærði jafnframt á flautu og nýtur þess að syngja. Hún hefur áhuga á hestamennsku og hefur stundað útreiðar s.l. þrjú ár. Hún er virkur skáti og finnst yndislegt að eyða tíma  í náttúrunni. Vegna ástar á dýrum gerðist hún grænmetisæta.

Copy of Niviaq Peterson profilo

Niviaq

Niviaq er 15 ára stelpa frá Nuuk á Grænlandi. Hún býr með móður sinni og stjúpföður ásamt tveimur yngri systrum. Hún er með mörg áhugamál en það eru t.d. blak, badminton, skíði og allskonar listir eins og tíska og að mála, einnig hefur hún gaman að því að ferðast. Í framtíðinni langar hana að verða fatahönnuður. Fjölskylda hennar og vinir myndu lýsa henni sem skapandi, náttúru barn, björt og klár. Niviaq er dugleg í skóla með góðar einkunnir og hefur gaman af náminu. Hennar uppáhalds fög eru tungumál og lífsleikni. Henni hlakkar mikið til að kynnast landinu og sérstaklega tungumálinu, henni langar að kynnast nýju fólki og byggja samband með íslenskri fjölskyldu.

Copy of ANGELIKI Filaiti Haholou profilo

Tobi

Aggeliki kölluð Tobi er 16 ára stelpa frá Grikklandi. Hún býr með foreldrum sínum, eldri bróður og hundi. Hennar helstu áhugamál eru listir, hún elskar að teikna og hefur frá unga aldri nýtt sér það sem tjáningarleið. Einnig hefur hún áhuga á tónlist og spilar á nokkur hljóðfæri. Hún lýsir sér sem svolítið innhverfri en þegar hún hefur kynnst fólki þá verður hún félagslynd og ræðin. Hún leggur áherslu á að vera alltaf með jákvætt hugarfar, bjartsýn og horfa á það góða í öllu. Sem hefur hjálpað henni við að takast á við m.a. námserfiðleika en hún er greind á einhverjurófi. Henni er lýst sem kurteisum og rólegum nemenda og að þegar hún komi úr skel sinni þá skari hún fram úr og skíni skært.

Panna Horvath profilo

Panna

Panna er 16 ára stelpa frá Ungverjalandi, hún býr hjá foreldrum sínum og eldri systur, eldri bróður og hundi. Hún hefur mestan áhuga á sögu og líffræði í skólanun. Hún hefur gaman af íþróttum en á yngri árum stundaði hún hestamennsku og saknar hún þess í dag en  er nýfarin að stunda langhlaup. Einnig finnst henni gaman að fara á skíði og hjóla. Henni finnst gaman að elda og baka og hefur hún s.l. ár undirbúið hádegisverð fyrir sig og eldri bróður sinn. Hún hefur hannað sín eigin föt og hefur áhuga á hönnun og leiklist.

PROFILO ARES

Ares

Ares er frá Spáni og er 16 ára. Hán býr með foreldrum sínum, systur og hundi. Hán lýsir sér sem félagslyndri, duglegri og skapgóðri manneskju sem finnst gaman að kynnast nýju fólki. Hán elskar að stunda íþróttir og hefur æft boltaíþróttir en æfir nú CrossFit. Auk þess sem hán tekur virkan þátt í skátastarfi. Hán hefur mikinn áhuga á tísku og finnst skemmtilegt að eyða tíma með vinum sínum að hlusta á tónlist og horfa á kvikmyndir. 

Oleguer Guillaume Carreras i Vilarnau profilo

Oleguer

Oleguer eða Oli eins og hann er kallaður er 16 ára strákur frá Spáni. Hann býr með móður sinni og eldri systur. Hann lýsir sér sem forvitnum félagslyndu,húmorískum strák sem elskar tónlist og ljóð. Spilar blak og er góður námsmaður sem hefur áhuga á sögum og alþjóðasamskiptum. Honum langar að læra nýtt tungumál og efla félagslega færni. Hann ætlar að vera í skóla á Íslandi í 3 mánuði.

Dario Pous Gerodettiprofilo

Dario

Dario er 18 ára, og ólst upp í Dubai en foreldrar hans eru frá Spáni og Ítalíu. Hann nýtur þess að eyða tíma með foreldrum sínum og leggur sig fram við að taka virkan þátt á heimilinu. Hann hefur mikinn áhuga íþróttum og þá sérstaklega á skíðum og siglingum. Með foreldrum og vinum stundar hann mikla útiveru í eyðimörkinni þar sem þau tjalda og kveikja varðeld. Hann byrjaði að æfa á gítar fyrir þremur árum og nýtur þess mikið að spila tónlist. Hann er mjög metnaðarfullur í námi sínu og hefur skýra sýn á því hver markmið sín eru fyrir framtíðina. Dario er spenntur að fá að upplifa daglegt líf í Evrópu og læra um menningu og hefðir verðandi fósturfjölskyldu sinnar

Quim Albi Masdeu profilo

Quim

Quim er 18 ára strákur frá Spáni. Hann talar bæði catalan (katalónsku) og spænsku. Quim ætlar að vera á Íslandi í þrjá mánuði. Hann býr með foreldrum sínum, eldri bróður og einum ketti. Fjölskyldan er náin og Quim er náinn ömmu sinni líka og nær góðum tengslum við fólk á öllum aldri. Fjölskyldan borðar yfirleitt alltaf kvöldmat saman. Hann borðar flestan mat og hlakkar til að kynnast íslenskum mat. Hann er með vægt rykofnæmi sem háir honum lítið. Quim er glaðlegur og hress og alltaf í góðu skapi. Hann er opinn og hlýlegur gagnvart öðru fólki. Stundum segir fólkið hans að hann sé smá utan við sig. Ef upp koma vandamál vill hann leysa þau með því að tala og hann er lausnamiðaður ef upp koma vandamál. Hann á auðvelt með að segja sína skoðun en hlustar á rök annarra líka. Quim er meðal námsmaður sem fær mjög góð meðmæli frá skólanum sínum. Honum er lýst sem ljúfum og góðum og virkum nemanda sem er alltaf til í að læra eitthvað nýtt. Hann er líka skapandi og stendur sig mjög vel í hópvinnu og er hjálplegur við aðra nemendur og sýnir mikinn þroska miðað við jafnaldra. Quim hefur gaman af að upplifa nýja hluti, íþróttum, fólki og vísindum. Hann er, sjálfstæður, félagslyndur og á  mjög auðvelt með að eignast vini og er mjög opinn. Hann er duglegur í félagsmálum, hefur verið leiðbeinandi í sumarbúðum fyrir krakka í nokkur sumur og finnst gaman að skipuleggja viðburði í bænum sínum. Hann hefur gaman af að vera með vinum sínum þegar hann þarf ekki að vinna heimavinnu frá skólanum. Hann hefur gaman af spilum og tölvuspilum en honum finnst ekki síður gaman að vera úti, klifur og að fara í gönguferðir er eitthvað sem  hann hefur hann mjög gaman af. Hann hefur gaman af stjörnufræði og nýtur þess að sitja á jörðinni og horfa á kvöldhimininn og nýtur náttúrunnar. 

profilo ELEA_

Elea

Elea er 15 ára stúlka frá frönskumælandi Belgíu og ætlar að vera á Íslandi í þrjá mánuði. Hún býr með foreldrum sínum og 13 ára yngri bróður. Fjölskyldan á einn kött en Elea elskar öll dýr. Hún er glaðlynd og jákvæð og mjög hláturmild. Elea er mjög góður námsmaður og fær góð meðmæli frá skólanum sínum sem segir að hún sé glaðlynd, vinnusöm, áhugasöm og dugleg að spyrja spurninga. Hún er mjög forvitin og finnst mjög gaman að læra nýja hluti og sérstaklega vísindi. Þess vegna er hún líka mjög spennt að koma til Íslands og upplifa náttúrufyrirbærin sem hér eru, eins og eldgos, jökla, hveri o.fl. Hana langar til að verða stjarneðlisfræðingur í framtíðinni. Henni finnst mjög gaman að baka og stundum að elda og hlakkar til að kynnast nýjum matarhefðum á Íslandi en hún hefur gaman af að smakka allskonar mat.  Hún bakar mjög oft heima og gerir sérstaka eftirrétti fyrir fjölskylduna. Elea spilar á píanó og hefur gaman af að spila allskonar tónlist. Hún æfir tennis einu sinni í viku. Hún hefur bæði gaman af því að vera inni og spila spil eða tölvuspil og líka af alls konar útiveru. Henni finnst mjög gaman að ferðast og hefur komið til mjög margra landa í Evrópu. Hún hlakkar til að koma til Íslands og uppgötva nýja menningu. Hún les mikið og hefur gaman af bókmenntum, ævintýrabókum og vísindaskáldskap sérstaklega og sama með kvikmyndir.

Maelys Portetelle profilo

Maelys

Maëlys er 15 ára stúlka frá frönskumælandi Belgíu. Hún býr með mömmu sinni og yngri bróður. Fjölskyldan á 5 hunda sem Maëlys þykir mjög vænt um. Hún er ekki mjög sterkur námsmaður en skólinn hennar segir að hún eigi í góðum samskiptum við bæði kennara og aðra nemendur. Henni finnst stærðfræði sérstaklega erfið en reynir að leggja á sig til að ná árangri. Hún lærir líka sum fög á flæmsku og hefur gaman af því. Maëlys er mjög feimin og hlédræg en um leið og hún er farin að þekkja fólk þá talar hún mikið og er glaðleg og orkumikil. Henni finnst líka gaman að hitta nýtt fólk þó hún sé feimin. Hún á fáa en góða vini. Henni finnst gott að vera með vinum sínum og fjölskyldu, t.d. að spila. Maëlys hefur gaman af íþróttum t.d. blaki og körfubolta og finnst gaman að fara út að ganga, bæði með hundana sína eða bara sjálf en henni finnst gott að geta verið ein með sjálfri sér líka. Hún les mikið Manga og elskar Harry Potter bækur. Maëlys segist vera frekar matvönd en hlakkar til að smakka mat sem ekki er til í Belgíu. Hún er með astma sem hún tekur lyf við svo það truflar hana lítið.

Julie Boekhoud profilo

Julie

Julie er 17 ára stúlka frá Hollandi sem býr með móður sinni, og tveimur systkinum, tvítugum bróður og átján ára systur. Hún er grænmetisæta sem elskar náttúru og dýr og elskar að læra um náttúruvísindi, einkum líffræði, og stefnir að því að verða dýralæknir eða dýrafræðingur. Hún sækist í samverustundir, hvort sem það er með vinum og fjölskyldu eða hestunum sínum og hundi. Julie er virk stúlka sem nýtur þess að fara í gönguferðir og ferðalög, en kann einnig að meta að slaka á og dunda sér við bakstur eða spila borðleiki í enda dags með tebolla. Julie vill læra nýtt tungumál, kynnast fólki og nýjum vinum og mynda sterk tengsl við fósturfjölskyldu sína. Hún vill vaxa og dafna í gegnum þessa upplifun og hlakkar til þess að hitta fósturfjölskyldu sína og kynnast landi þeirra og menningu!

Louis Tom Theron profilo

Louis

Louis er 17 ára strákur frá Frakklandi.  Hann býr hjá foreldrum sínum og tveimur eldri systrum. Hann lýsir sér sem félagslyndum, forvitnum og skemmtilegum karakter. Hann nýtur hvers kyns útiveru eins og skíði, klifur og fjallgöngu ásamt fjölskyldunni. Auk þess  sem hann tekur þátt í starfsemi klifurhóps með félögum á sama aldri. Hans helsta áhugamál er geimvísindi. Hann er skipulagður og finnst betra að fara rólega í hlutina til að framkvæma af kostgæfni. Hann hlakkar til að kynnast nýju landi, landslagi og menningu.

Aksel B Petersen profilo

Aksel

Aksel er frá Færeyjum og verður 16 ára í ágúst. Hann býr með foreldrum sínum og þremur bræðrum sem hann er afar náin. Fjölskyldan hans og vinir lýsa honum sem fyndnum, vingjarnlegum og traustum sem hjálpar þegar hann getur. Hann elskar félagsskap og samveru. Hann er einnig mjög virkur og elskar útiveru, svo hann nýtir mestan frítíma sinn í að æfa fótbolta með vinum sínum og grípur oft tækifærið til þess að veiða þegar veður leyfir til. Aksel ákvað að sækjast eftir þessu tækifæri til þess að fá að kynnast nýrri menningu og læra nýtt tungumál. Hann hefur auðvelt með að kynnast nýju fólki og honum hlakkar til hitta fósturfjölskyldu sína og öðlast nýjar upplifanir í ókunnu landi. 

Anna Kuchtíková profilo

Anna

Anna er 17 ára frá Tékklandi. Hún býr með foreldrum sínum og eldri bróður og yngri systur. Hún er mikill lestrarhestur, les alls konar bækur og finnst gaman að horfa á kvikmyndir og taka ljósmyndir, gera myndbönd sjálf og tekur þátt í íþróttum. Var í fimleikum og fótbolta en er nú að æfa júdó. Hún er líka mjög listræn og alltaf að skapa einhverja list, t.d. að teikna og mála myndir. Hún skrifar líka mikið, t.d. fyrir skólablaðið sitt og er aðstoðarritstjóri þess. Hún er virk í skólaráði skólans síns og hefur verið með á fundum skólaráða um allt Tékkland. Henni finnst gott að hafa nóg að gera. Henni finnst líka gott að slaka á og vera með fjölskyldunni sinni. Fjölskyldan fer á hverju ári í skíðaferð, en hún er á snjóbretti og finnst það mjög skemmtilegt. Fjölskyldan ferðast líka mikið utan og innanlands og fara í fjallgöngur saman. Fólk segir að hún sé góð með börnum, hún hefur unnið sem leiðbeinandi í sumarbúðum fyrir börn. Hún hlakkar til að kynnast sögu Íslands og goðafræðinni. Hún er aðeins byrjuð að læra íslensku sjálf. Skólinn hennar gefur henni mjög góð meðmæli, hún er dugleg, vingjarnleg og opin. Hún tekur virkan þátt í skólaráði skólans síns og alltaf tilbúin að aðstoða við fjölbreytt verkefni og hægt að treysta á hana.

Viktorie Sestakova profilo

Viktorie

Viktorie er 17 ára stúlka frá Tékklandi. Hún ætlar að koma til Íslands á þrjggja mánuða skiptinám. Vinir og fjölskylda kalla hana Viki, og segja að hún sé sæt, ljúf og brosmild stúlka. Viki er afar opin og hugsi manneskja sem getur rætt um alls kyns efni, er góð í samskiptum og vinamörg. Hún er fjölhæf og forvitin með fjölbreytt áhugasvið en ein helsta ástríða hennar er dans. Hún æfir sig oft og skemmtir sér við að dansa heima, auk þess hefur hún gaman af því að spila á píanó og skoða myndlist. En fyrst og fremst er Viki ævintýragjörn og forvitin, hún sækist í að skoða og kanna heiminn, henni finnst mikilvægt að breyta oft til og upplifa einhvað nýtt. Hún elskar að fara í langar göngur úti til þess að skoða umhverfi sitt og nýtur þess að vera ein með sjálfri sér. Núna er hún tilbúin að fara og kanna ókunna og framandi staði, þess vegna fékk hún sérstakan áhuga á því að koma til Íslands, þar sem faðir hennar hefur heimsótt landið og sagði henni að hún myndi elska það. Einn af draumunum hennar er að sjá norðurljósin. Viki hlakkar til að hitta nýtt fólk, kynnast menningunni og læra tungumálið.

profilo Sophie Seiler (1)

Sophie

Sophie er 17 ára stelpa frá þýskumælandi hluta Sviss. Hún býr með foreldrum sínum og eldri systur. Þau borða oftast kvöldmat saman og oft líka morgunmat. Þeim finnst gaman að borða hefðbundinn svissneskan mat. Hún lýsir sér sjálfri sem jákvæðri, áhugasamri, skapandi, vingjarnlegri og skemmtilegri manneskju. Hún hefur gaman af að vera með fjölskyldunni sinni og vinum en er líka sjálfstæð og sjálfri sér nóg. Hún er á skapandi hönnunar braut og stendur sig vel í skóla. Hún er feimin að eðlisfari í skólanum skv. kennurum en áhugasöm og vill standa sig vel. Hún reynir að skipuleggja sig vel svo hún lendi ekki í stressi í skólanum. Aðal áhugamálið hennar eru listir, henni finnst gaman að mála og hefur áhuga á öllu um málaralist, tala um málverk og kryfja málverk frægra listamanna. Hún hefur gaman af notuðum fötum og býr til sín eigin föt og prjónar. Hún les, dansar og hefur gaman af að vera með vinum sínum í frítímanum. Eftir að vera búin að sinna skólavinnunni þá hlustar hún á tónlist, horfir á sjónvarp og málar. Hún hlakkar til að kynnast nýrri menningu á Íslandi og hefur lengi haft áhuga á að koma til Íslands. Hún er hrifin af íslensku náttúrunni.