IMG_1939

Aukin tækifæri til að upplifa heiminn

Um Hollvini AFS

Árið 2009 hóf stjórn AFS á Íslandi undirbúning að stofnun styrktarsjóðs til að styðja við bakið á ungu fólki með áhuga á að kynnast öðrum menningarheimum. Eftir nokkra undirbúningsvinnu var samþykkt á aukaaðalfundi AFS þann 20. febrúar 2013 að stofna sjálfseignarstofnunina Hollvini AFS á Íslandi. Í framhaldi var stofnfundur Hollvina haldinn í Þjóðmenningarhúsinu þann 21. mars 2013.

Lesa meira
20170410_143806-1024×576

Aukin styrkveiting og breyting á umsóknarviðmóti

Breytt stefna Hollvina í styrkveitingum í skiptinám

Á stjórnarfundi Hollvina AFS í byrjun árs var ákvörðun tekin um að auka styrkveitingu í skiptinám töluvert. Samhliða þessu verður nýtt umsóknarviðmót tekið í gildi. Við erum virkilega ánægð með þessi frábæru tíðindi.

Lesa meira

Námsstyrkir Hollvina AFS

Tekjur stofnunarinnar, sem nota skal til úthlutunar styrkja, eru arður af stofnsjóði, árlegt framlag AFS á Íslandi til stofnunarinnar, árgjald hollvina ásamt gjöfum og öðrum frjálsum framlögum til styrktar stofnuninni. Stofnunin úthlutar að lágmarki árlega og gerir það í samstarfi við skrifstofu AFS á Íslandi.

Megintilgangur styrkjaveitinganna er að aðstoða nemendur frá efnaminni heimilum (Fjárhagsstyrkur Hollvina AFS), en þó er einnig heimilt að veita styrki til verðandi skiptinema sem hafa sýnt afbragðs árangur á ýmsum sviðum, s.s. í námi, listum eða íþróttum (Árangursstyrkur Hollvina AFS).

Árið 2021 eru styrkir í boði fyrir ársdvöl í eftirfarandi löndum:
Austurríki, Brasilía, Frakkland, Ítalía, Portúgal, Síle, Spánn og Sviss.

Einnig eru styrkir í hálfsársdvöl í boði í eftirfarandi löndum:
Argentína, Brasilía og Ítalía.

Með því að þiggja styrk Hollvina AFS á Íslandi skuldbindur þú þig til að taka þátt í sjálfboðaliðanámskeiði AFS á Íslandi eftir heimkomu úr skiptinámi, og að skrifa stutta greinagerð um upplifun þína í skiptináminu fyrir Hollvini AFS.

Gerast Hollvinur AFS

Langar þig að gerast Hollvinur AFS? Með því getur þú styrkt ungmenni til að fara í skipinám og upplifa heiminn með öðrum augum.

Hafðu samband við [email protected]

Meira um Hollvini AFS