Í ágúst 2023 eigum við von á um 24 erlendum skiptinemum til Íslands á vegum AFS. Nemarnir eru á aldrinum 15-18 ára, ganga í skóla út um allt land og dvelja hér í tíu mánuði.
Við uppfærum lýsingar á þeim skiptinemum sem von er á jafnóðum og við fáum umsóknirnar frá þeim.
Allar fjölskyldur geta verið AFS fjölskyldur og hýst nema frá öðrum menningarheimi. Ef þú hefur áhuga á að opna heimili þitt og hjarta þá er tækifærið núna.
Sumarnámskeið í Bretlandi þar sem þátttakendur öðlast betri færni í ensku og menningarlæsi ásamt því að kynnast hópi ungmenna frá öllum heimshornum.
Þátttakendur dvelja í 13 daga í ekta breskum heimavistaskóla í Sutton Valence, þar sem frábær aðstaða er til tónlistar-og íþróttaiðkunar. Á staðnum er innilaug, dansstúdíó og tónlistahús. Ennfremur er frjálsíþróttavöllur og vellir til að stunda krikket, rúgbí, hokkí, fótbolta, tennis og lacrosse.
Þátttakendur á aldrinum 13-18 er skipt í tvær brottfarir:
17. júlí 29. júlí (13-16 ára)**
31. júlí – 12. ágúst (15-18 ára)*
Umsóknarfrestur er til 25. mars 2023
Innifalinn er: flugkostnaður, fararstjóri**, fullt fæði í 13 daga, gisting í breskum heimavistarskóla í 13 nætur, tvær borgarferðir***, gagnvirkt tungumálanám í 4 klst á dag (alls 52 klst), 5 vinnustofur um menningarlæsi og alþjóðleg samskipti, fjölbreytt afþreying og fræðsla.
Þátttökugjöld eru:
Yngri hópur**: 590.000 kr.
Eldri hópur: 540.000 kr.
**Þátttakendum í yngri hóp er fylgt í fluginu til og frá Bretlandi.
*Eldri hópur er sóttur á flugvöllinn í Bretlandi og fylgt að dvalarstað í Kent.
Tungumálanámið fer fram í litlum hópum sem eru getuskiptir. Ekki er um eiginlegt bóknám að ræða heldur gagnvirkt og lifandi nám sem miðar að því að auka færni þátttakenda.
Mikil afþreying er í boði á meðan dvöl stendur og meðal annars má reikna með þemadögum: Alþjóðadegi, Breskum degi, Fright Night, Hollywood og fleiri skemmtileg þemu sem leiðbeinendur plana fyrir þátttakendur.
Fjölbreytt val er um hvers kyns vinnustofur þátttakandi getur prófað. Meðal annars: leikhús, tónlist, eldamennska, crazy sports og survival!
Herbergi þátttakenda á heimavistarskólanum eru einstaklings, tvímennings og þrímennings. Heimavistirnar eru kynjaskiptar en sameiginleg rými eru einnig til staðar þar sem öll geta verið saman að kynnast og spjalla.
Borgarferðirnar eru dagslangar og alltaf er farið til London í annarri en misjafnt hvort farið er til Brighton eða Canterbury í hinni.
Prógrammið, það er talað um 5 vinnustofur og 4 klst á dag (heildartími 52 klst) í stundatöflu ásamt mikilli afþreyingu og skemmtun. Ekki er um stífa stundatöflu en enskunámið er alltumlykjandi og þátttakendum ekki heimilt að tala saman á öðru tungumáli en ensku. Mikið er um afþreyingu og gott aðgengi að íþróttaaðstöðu.
Á námskeiðinu er fjöldi sjálfboðaliða og starfsfólk frá bæði AFS og belgíska samstarfsaðilanum Roeland. Allir sem koma að námskeiðinu hafa hlotið þjálfun og eru vottaðir AFS leiðbeinendur. Hlutfall leiðbeinanda er 1 á hverja 4 þátttakendur.
Sími AFS skrifstofunnar er opinn frá 10-12 og 13-15 mánudag til fimmtudags. Einnig bendum við fólki á að senda tölvupóst á [email protected]
Kærar kveðjur
Starfsfólk AFS
,,Uppgötvaðu nýja menningu, lærðu nýtt tungumál. Myndaðu vinabönd við fólk allstaðar í heiminum, sem endast ævilangt. Þetta verður árið þegar þú fullorðnast og kynnist sjálfum þér betur – bæði styrkleikum þínum og veikleikum. Þú munt upplifa miklar og jákvæðar breytingar.“
—Giulia Andar, ítalskur skiptinemi í Þýskalandi
Opnaðu heimilið fyrir framandi menningu og áhrifum með því að hjálpa erlendum skiptinema að láta drauma sína rætast. Lærðu um nýja menningu og veittu öðrum hlutdeild lífi og siðvenjum þinnar fjölskyldu.
Þroskaðu nýja hæfileika og veldu úr fjölda hlutverka og verkefna með sveigjanlegan tímaramma. Nýttu þér frábær sjálfboðaliðaprógrömm, þroskaðu leiðtogafærni þína og hjálpaðu öðrum að læra að búa saman í sátt og samlyndi.
—Marcela Vazquez, AFS sjálfboðaliði í Argentínu
Kynntu þér hvernig AFS hjálpar fólki á öllum aldri og með margs konar bakgrunn að öðlast þekkingu, færni og skilning sem gerir því kleift að tengjast fólki af ýmsum uppruna, takast á við hnattrænt hagkerfi og stuðla að breytingum til hins betra um allan heim.
